Girmek
Aziýanyň futbol konfederasiýasynyň (AFK) Ýerine ýetiriji komiteti 2027-nji ýylda 20 ýaşa çenli futbolçylaryň arasynda Aziýanyň Kubogynyň ýaryşyny Hytaýda geçiriljekdigini tassyklady. Bu barada guramanyň resmi saýtynda habar berilýär.
Hytaý Halk Respublikasy ýaryşy geçirmek üçin ýeke-täk dalaşgär bolup, bu ýaryşa gatnaşjak ýygyndylary bassyr ikinji gezek kabul eder. Mundan ozalky ýaryş 2025-nji ýylyň 12-nji fewralyndan 1-nji martyna çenli Şençžende geçirilipdi. Onuň final tapgyrynda Saud Arabystanyny utup, Awstraliýanyň ýygyndysy ýeňiji bolupdy.
Ýaryşyň saýlama oýunlary 2026-njy ýylyň awgustynda başlanar, jemleýji tapgyry bolsa 2027-nji ýylyň mart aýynda geçiriler. Ýaryşa 16 topar gatnaşar. Bu ýaryşyň netijesi boýunça Aziýanyň ýygyndylary 2027-nji ýylda Azerbaýjanda we Özbegistanda geçiriljek ýaşlar boýunça dünýä çempionatyna gatnaşmaklyga hukuk alarlar.