Arkadag şäherinde ýokary okuw mekdepleriniň talyplarynyň arasynda «Halkara parahatçylyk we ynanyşmak — ykdysady ösüşleriň özeni» atly halkara internet olimpiadasy geçirildi.

Çäre Aba Annaýew adyndaky Halkara atçylyk akademiýasy tarapyndan guraldy.

Olimpiada Türkmenistanyň hemişelik Bitaraplygynyň 30 ýyllygyna, BMG-niň döredilmeginiň 80 ýyllygyna we Halkara parahatçylyk we ynanyşmak ýylyna bagyşlandy. Bäsleşige dünýäniň 15 döwletiniň 72 sany ýokary okuw mekdebinden 535 talyp gatnaşdy.

Olimpiadany geçirmegiň maksady — ýaş nesliň ykdysady bilimlerini giňeltmek, parahatçylygy we özara ynanyşmagy pugtalandyrmagyň ähmiýetini wagyz etmek, şeýle hem talyplaryň ykdysady pikirlenmek endiklerini ösdürmek bolup durýar.