Russiýanyň Türkmenistandaky ilçihanasynyň işgärleri Aşgabatda ýaşaýan Beýik Watançylyk urşunyň weterany Nina Samutkinany 94 ýaş toýy bilen gutladylar. Bu barada Russiýanyň Aşgabatdaky diplomatik wekilhanasynyň metbugat gullugy habar berdi.

«Biz Nina Grigorýewnany doglan güni bilen tüýs ýürekden gutlaýarys. Oňa berk jan saglyk, bagtyýarlyk we dünýädäki ähli gowulyklary arzuw edýäris!» – diýlip, habarda bellenilýär.

Ilçihananyň metbugat gullugynyň habarynda bellenilişine görä, uruş ýyllarynda Nina Grigorýewna Almaty şäherinde ýaşapdyr we ýerli harby gospitallaryň birinde deň-duşlary bilen bilelikde zähmet çekip, gyzyl goşunyň ýaralanan esgerleriniň bejergisine ýardam beripdir.