Girmek
23–25-nji oktýabr aralygynda Türkmenistanda Birleşen Milletler Guramasynyň (BMG) döredilmeginiň 80 ýyllygy mynasybetli baýramçylyk çäreleri guralar.
Bu waka bilen baglylykda, BMG-niň Türkmenistandaky wekilhanasy hyzmatdaşlary, jemgyýetçilik wekillerini we metbugat işgärlerini bu dabaralara gatnaşmaga çagyrýar.
23-nji oktýabrda 14:00-da Türkmenistanyň Daşary işler ministrliginiň Halkara gatnaşyklary institutynda BMG-niň döredilmeginiň 80 ýyllygyna bagyşlanan maslahat geçiriler. Onuň çäklerinde Türkmenistanyň Hökümeti bilen BMG 2026–2030-njy ýyllar üçin durnukly ösüş boýunça bilelikdäki ileri tutulýan ugurlary kesgitleýän täze Çarçuwaly hyzmatdaşlyk maksatnamasyna gol çekerler.
24-nji oktýabrda sagat 18:00-da «Mukamlar köşgüniň» foýesinde «BMG – 80 ýyl» atly taryhy fotosergi açylar. Ol BMG-niň taryhyndaky möhüm pursatlary we guramanyň Türkmenistan bilen uzak möhletleýin hyzmatdaşlygyny görkezýär. Soňra şol ýerde sagat 19:00-da «Parahatçylygyň we umydyň sazlary» ady bilen simfoniki konsert geçiriler.
25-nji oktýabrda sagat 11:00-da BMG–80 marafonlary ýurduň ähli sebitlerinde — Ahal, Balkan, Daşoguz, Lebap we Mary welaýatlarynyň şäherlerinde başdalga berler.
BMG agentlikleri we ýerli hyzmatdaşlar türgenler hem-de jemgyýetçilik toparlary bilen bilelikde parahatçylygy, agzybirligi we sagdyn durmuş ýörelgesini wagyz etmek maksady bilen özboluşly sport marafonlaryny gurarlar. Marafona hasaba alynmak üçin aşakdaky salgylanmalara geçiň: