Girmek
Türkmenistan bilen Russiýa atçylyk we atçylyk sporty babatda hyzmatdaşlygy ösdürmek baradaky ylalaşdylar.
Aba Annaýew adyndaky Halkara atçylyk akademiýasynyň rektory Pygy Baýramdurdyýew bilen Russiýanyň Türkmenistandaky ilçisi Iwan Wolynkin akademiýa bilen akademik Kalaşnikow adyndaky Bütinrus ylmy-barlag atçylyk institutynyň arasyndaky özara hyzmatdaşlyk hakynda Ähtnama gol çekdiler.
Mundan başga-da, «Türkmen atlary» döwlet birleşiginiň baş direktory Ahmet Berdiýew bilen Russiýanyň ilçisi iki sany Ähtnama gol çekdiler. Olaryň biri «Türkmen atlary» döwlet birleşigi bilen Russiýanyň Atçylyk federasiýasynyň arasynda at sporty pudagyndaky hyzmatdaşlyga, beýlekisi bolsa «Türkmen atlary» döwlet birleşigi bilen Bütinrus atçylyk institutynyň arasynda atçylyk senagaty babatyndaky özara gatnaşyklary degişlidir.
Resminamalar duşenbe güni Aşgabatda geçirilen Ykdysady hyzmatdaşlyk boýunça türkmen-rus hökümetara toparynyň 13-nji mejlisiniň netijeleri boýunça gol çekildi.
Atçylyk ulgamyndaky Ähtnamalardan başga-da, taraplar dürli ugurlarda birnäçe ikitaraplaýyn resminamalara hem gol çekdiler.
Hökümetara toparda türkmen tarapyna wise-premýer Nökerguly Atagulyýew, rus tarapyna bolsa wise-premýer Marat Husnullin ýolbaşçylyk edýär.