Girmek
Türkmenistanyň WT taekwondo boýunça milli ýygyndysy 28-nji sentýabrdan 8-nji oktýabra çenli Azerbaýjanda geçiriljek Garaşsyz Döwletleriň Arkalaşygynyň ýurtlarynyň III Oýunlaryna gatnaşar. Bu barada Türkmenportal neşirine Türkmenistanyň Milli taekwondo WT merkeziniň başlygy we milli ýygyndynyň baş tälimçisi Bäşim Rozyýew habar berdi.
«Häzirki wagtda ýurdumyzyň ýygyndy toparynyň gutarnykly sanawy taýýarlanýar. Bu oýunlar biziň türgenlerimiz we sebitde taekwondonyň ösüşi üçin gaty möhümdir» — diýip, Rozyýew belläp geçdi.
Merkeziň başlygynyň sözlerine görä, oktýabr aýynda türkmen türgenleri Hytaýyň Wuşi şäherinde geçiriljek taekwondo boýunça dünýä çempionatyna hem gatnaşmagy meýilleşdirýärler. Ýygyndy topary taýýarlamak işi bilen Rozyýew bilen bilelikde onuň kömekçisi Toýly Amangeldiýew meşgullanýar.
Garaşsyz Döwletleriň Arkalaşygynyň ýurtlarynyň III Oýunlary Azerbaýjanyň ýedi şäherinde — Gänjede, Ýewlahda, Mingaçaurda, Gabalada, Şekide, Geýgelede we Hankendide geçiriler.