Girmek
15-nji awgustda Moskwada geçiriljek «Parahatçylygyň sazy, dostlugyň we doganlygyň sazy» atly rus-türkmen konsertiniň öňüsyrasynda «XX asyrda Russiýanyň we Türkmenistanyň kompozitorlarynyň döredijiliginde kiçi we uly Watanyň orny» ady bilen leksiýa geçiriler.
Leksiýa bilen Russiýanyň we Türkmenistanyň belli saz sungatyny öwrenijileri we mugallymlary çykyş ederler:
Ýelena Pawlowna Osipowa — saz sungatyny öwreniji, sungat ylymlarynyň kandidaty, Maýa Kulyýewa adyndaky Türkmen milli konserwatoriýasynyň saz nazaryýeti kafedrasynyň dosenti.
.jpg)
Ýewgeniý Wolkow — rus dirižýory, hor ýolbaşçysy, saz we teatr ugry boýunça ylmy gözlegleri alyp baryjy, Russiýanyň teatr sungaty institutynyň (GITIS) uly mugallymy.
Leksiýa sagat 18:00-da P. I. Çaýkowskiý adyndaky Moskwanyň döwlet konserwatoriýasynyň maslahatlar zalynda başlanar. Ol konsertiň medeni maksatnamasyna giriş hökmünde bolup, iki ýurduň kompozitorlarynyň döredijiliginde beýan edilen medeni gatnaşyklary we umumy gymmatlyklary açyp görkezmäge mümkinçilik berer.
Ozal biz Moskwada awgust aýynda rus-türkmen konsertiniň geçiriljekdigini habar beripdik.