Girmek
Türkmenistanyň milli ýygyndysynyň ýarym goragçysy Meýlis Diniýew Yssyk köldäki türgenleşik ýygnanyşygynda «Bars» bilen geçirilen barlag duşuşygynda «Gyrgyzaltynyň» düzüminde ilkinji gezek oýna girdi.
Diniýew ikinji ýarymda meýdança çykdy, netijede duşuşyk deňme-deň – 1:1 hasaby bilen tamamlandy.
Ozal futbolçynyň «Gyrgyzaltyn» klubyna goşulandygy we topar bilen türgenleşik ýygnanyşygyna gatnaşýandygy barada habar berlipdi. Transfer barada resmi bildirişiň ýakyn wagtlarda çykmagyna garaşylýar. Iýul aýynda 25 ýaşly ýarym goragçy «Ahal» bilen şertnamasyny ýatyrdy.
«Gyrgyzaltyn» 14 utuk bilen Gyrgyzystanyň çempionatynyň ýaryş tertibinde 9-njy orny eýeleýär.