Girmek
Türkmenistanyň milli ýygyndysy Gyrgyzystanyň paýtagtynda tamamlanan WKF boýunça Merkezi Aziýanyň karate boýunça 10-njy çempionatynda 26 medal gazandy. Bu barada «Türkmenistan: Altyn asyr» elektron neşirinde habar berildi.
Türkmen türgenleriniň hasabynda 9 altyn, 6 kümüş we 11 bürünç medal bar. 36 karateçiden ybarat bolan Türkmenistanyň ýygyndysy umumy topar hasabynda dördünji orny eýeledi.
Ýaryşa sebitiň bäş ýurdundan: Gazagystandan, Gyrgyzystandan, Täjigistandan, Türkmenistandan we Özbegistandan 609 türgen gatnaşdy. Medallar ugrundaky bäsleşikler kadetleriň, ýaşlaryň we uly ýaşly türgenleriň arasynda kata (resmi maşklaryň görkezilmegi) we kumite (tutluşyk) görnüşlerinde geçirildi.
Ýaryş dört günläp dowam etdi.