Girmek
Türkmenistanyň futbol boýunça milli ýygyndysynyň ýarym goragçysy Ruslan Mingazow Gonkongyň «Kitçi» futbol kluby bilen şertnamasyny 2026-njy ýylyň tomsuna çenli uzaltdy. Bu barada «Türkmenistanyň futboly hakynda» atly Telegram kanaly habar berýär.
33 ýaşly futbolçy bu kluba 2022-nji ýylyň aprel aýynda geçipdi. Şu döwürde ol ähli ýaryşlarda 68 oýna gatnaşyp, 34 gol geçirdi hem-de 23 goluň geçirilmegine netijeli ýardam bermek bilen tapawutlandy.
Transfermarkt portalyndaky maglumatlara görä, Mingazow Türkmenistanyň milli ýygyndysynda 30 oýna gatnaşyp, 6 gol geçiripdir. Häzirki wagtda onuň transfer (bir topardan başga topara geçendäki) bahasy 200 müň ýewro diýlip bahalandyrylýar.
Geçen möwsümde «Kitçi» topary Gonkongyň çempionatynda 4-nji orny eýeledi.