Girmek
8-nji maýda Türkmenistanyň birža söwdalaşyklarynda daşarky, şeýle hem içerki bazarlarda geleşikler baglaşyldy. Owganystanly telekeçiler «Türkmenhimiýa» döwlet konserninden suwuklandyrylan gazy satyn aldylar, Gyrgyzystanyň wekilleri bolsa ýerli öndürijilerden nah ýüplügini satyn aldylar – diýip, TDHÇMB-niň saýty habar berýär.
Içerki bazarda türkmenistanly telekeçiler «Türkmennebit» döwlet konserni bilen «BND 60/90» kysymly ýol bitumyny üpjün etmek, şeýle-de Türkmenistanyň Dokma senagaty ministrligi bilen nah ýüplügini satyn almak barada ylalaşyklar baglaşdylar.
Söwdalaşyklaryň barşynda jemi 20 488 000,00 manada we 510 880,00 ABŞ-nyň dollaryna barabar bolan 6 geleşik baglaşyldy.