Girmek
Golaýda Türkmenistanyň Daşary işler ministrliginiň Halkara gatnaşyklary institutynda Kolumbiýa Respublikasynyň Türkmenistanda täze bellenen ilçisi Isidro Arenas Neýra bilen duşuşyk geçirildi.
TDIM-iň Halkara gatnaşyklary institutynyň saýtynda habar berilmegine görä, onuň dowamynda ilçi bu ýokary okuw mekdebiniň professor-mugallymlarynyň we talyp ýaşlarynyň öňünde çykyş etdi.
Ilçi ikitaraplaýyn gatnaşyklar, şol sanda halkara guramalaryň, ilkinji nobatda, BMG-niň çäklerinde ýola goýulan gatnaşyklar barada gürrüň berdi, şeýle hem talyp ýaşlar özlerini gyzyklandyrýan sowallara jogap aldylar.
Ýeri gelende ýatlatsak, 28-nji aprelde Kolumbiýanyň ilçisiniň Türkmenistanyň Mejlisiniň Başlygyna ynanç hatlaryny gowşurandygyny habar beripdik.