103 ýaşly hytaýly zenan mundan 80 ýyl öň gazanç üçin ýurtdan çykyp giden adamsyndan habara we dolanyp gelmegine garaşyp, dünýeden ötdi diýip, «vfokuse.mail.ru» gürrüň berýär.

Du Huçžen atly zenan 8-nji martda 103 ýaşynda aradan çykdy. Ölmezinden öň ol elinde 1940-njy ýylda adamsy Huan Szýunfua durmuşa çykanda ulanan ýassyk daşyny gujaklap ýatdy.

Onuň adamsy Huan toýuň yzysüre Gomindanyň goşunyna girdi we fronta gitdi. 1943-nji ýylda aýaly ony tapdy, ikisi birnäçe aý ýaşaşdylar. Du hamyla bolandan soňra, öýlerine dolandy we 1944-nji ýylda onuň ogul bäbegi dünýä indi. Çaga Huan Façan diýip at dakdy.

Adamsy öýe gaýdyp geldi, biraz wagt ýaşady-da, gazanç gözleginde başga ýurda gitdi. Ol aýalyna hat ýazyp durardy, iň soňky haty 1952-nji ýylyň 15-nji ýanwarynda geldi. Huan şol wagt Malaýziýada işleýärdi, soňra ol Singapura gitdi.

Şeýlelikde, 80 ýyllap wepaly aýaly adamsynyň öýe dolanaryna garaşdy. Oňa durmuşa çykmagy teklip eden erkekler-de boldy, emma Du razy bolmady.

Gyz agtygy Huan Liin garry enesiniň ölmezinden öň düýşünde adamsyny görendigini we gözlerini rahat ýumandygyny gürrüň berdi. Dereksiz ýiten Huanyň dogan-garyndaşlary ol barada beýleki ýurtlardan maglumat gözlemekçi bolýarlar.