Ermenistanyň Içeri işler ministrliginiň halas ediş gullugy Aragas dagynda garly harsaň süýşmesi netijesinde dokuz adamdan ybarat toparyň ejir çekendigini we bir adamyň dereksiz ýitendigini habar berdi.

Garly harsaň dagyň demirgazyk eňňidinden aşak gaýtdy. Sekiz adam garyň aşagyndan özbaşdak çykmagy başardy, emma bir adam yzsyz-sorsuz ýitdi.

Halas ediş bölümleri we ýörite topar ony gözleýär diýlip, «Gazeta.ru» portalynyň habarynda aýdylýar.