Wladimir Baýramow Türkmenistanyň Futbol federasiýasynyň wersiýasy boýunça 2024-nji ýylyň möwsüminiň jemleri boýunça iň ökde tälimçisi diýlip yglan edildi. Bu barada TFF-nyň metbugat gullugy habar berýär.

Geçen möwsümde «Arkadag» futbol kluby Wladimir Baýramowyň ýolbaşçylygynda Türkmenistanyň Ýokary ligasynyň, ýurduň Kubogynyň we Naýbaşy kubogynyň ýeňijisi boldy.

W. Baýramow 43 ýaşynda, ol 2023-nji ýylyň dekabryndan bäri «Arkadaga» ýolbaşçylyk edýär. Onuň ýolbaşçylygynda topar yzly-yzyna iki gezek Türkmenistanyň çempiony boldy, iki gezek ýurdumyzyň kubogyny we bir gezek Naýbaşy kubogy gazandy.