Girmek
«Halk Market» dükanlar tory Aşgabat şäheriniň ýaşaýjylaryny we myhmanlaryny özboluşly teklibi — baýramçylyk sowgatlaryny we sýurprizleri taýýarlamaga niýetlenen ýöriteleşdirilen Täze ýyl dükany bilen begendirýär.
Bu özboluşly dükan oýlanyşykly Täze ýyl öwüşginindäki dizaýny bilen tapawutlanyp, onda sowgat sebetlerini, sandyklaryny hem-de beýleki toplumlary taýýarlamak üçin önümleriň giň assortimenti bar. Alyjylar bu ýerde diňe bir taýýar toplumlary däl-de, eýsem öz islegine we býujetine görä dürli sowgatlyklary özleri ýygnap bilerler.
Täze dükanyň esasy peýdaly taraplary:
- islendik pul möçberine görä sowgatlyk ýygnamak mümkinçiligi;
- köp mukdarda satyn almak üçin lomaý söwda;
- harytlaryň giň assortimenti;
- töleg etmegiň amatly usullary (nagt we nagt däl görnüşde);
- sowgatlaryň ýokary derejede gaplanylmagy.
Täze ýyl ruhuňyzy göterjek bu dükanyň ýerleşýän salgysy: «Garaşsyzlygyň 15 ýyllygy» söwda merkezi (ozalky Surikow köçesiniň ugrundaky lomaý söwda merkezi), 0-njy gat.
Habarlaşmak üçin telefon belgileri:
(+993 61) 85 20 61
(+993 62) 57 42 21
(+993 63) 58 58 92
«Halk Market» hemmeleri Täze ýyl baýramy üçin ýatdan çykmajak sowgatlary döretmäge we baýramçylygyň öňüsyrasyndaky jadyly atmosferadan lezzet almaga çagyrýar!
