Girmek
Ýaponiýaly erkek kişi ýurdy aýlanyp, adamlaryň öýlerinde mugt düşläp, öwezine olaryň gürrüňlerini diňleýär diýip, «Oddity Central» neşirine salgylanýan «Gazeta.ru» ýazýar.
Şuraf Işida ýaşamak üçin ýer gözlegine özboluşly çemeleşýändigi bilen, köpleriň ünsüni çekdi. Soňky bäş ýylda ol 500 öýde myhman boldy. Mundan öň ol işden boşap, ähli emlägini satdy we diňe goştorbasyny alyp galdy. Şuraf tygşytlan puluna ýurdy gezýär.
Täze şähere gelen dessine Şuraf gijesini geçirmek üçin gonalga gözleýändigi barada bildirişli merkezi meýdança çykýar. Ol hemişe diýýän ýaly, gürrüňçilik küýseýän ýalňyz adamlaryň tapylýandygyny gürrüň berýär.
Ýaponiýaly gijesini geçirmek üçin öýlerine goýberen adamlaryň oňa özlerini ýalňyzlykdan halas edendigi üçin minnetdarlyk bildirýändiklerini aýdýar. Ol indi meşhur boldy we özüni myhmançylyga çagyrýan adamlaryň köpelýändigini hem sözüniň üstüne goşdy diýlip, habarda bellenýär.