Girmek
Türkmenistanyň Futbol federasiýasy (TFF) «Ahal» futbol klubynyň hüjümçisi Elman Tagaýewi 2024-nji ýylyň oktýabr aýynyň jemleri boýunça Ýokary liganyň iň gowy oýunçysy diýip yglan etdi.
Geçen aýda hüjümçi çempionatyň üç oýnunda dört gol geçirdi. Tagaýew «Altyn Asyr» bilen bolan oýunda (2:0) iki gol geçirdi, şeýle hem «Aşgabat» (2:1) we «Köpetdag» (3:1) klublary bilen duşuşyklarda hem gol geçirmegi başardy.
35 ýaşly hüjümçiniň netijeli hereketi «Ahal» klubyna ýaryş tertibinde eýeleýän ikinji ornuny berkitmäge kömek etdi. 27 tapgyrdan soň komanda 61 utuk toplady we üçünji ýerde barýan «Altyn Asyrdan» 5 utuk öňde barýar. Şunda «aragatnaşykçylaryň» ätiýaçdaky oýny hem bar.
Häzirki möwsümde Tagaýewiň hasabynda 12 gol bar, bu bolsa oňa milli çempionatyň iň gowy bombardirleriniň bäşligine girmäge mümkinçilik berýär.
Ýurdumyzyň çempionlyk adyny «Arkadag» kluby möhletinden öň gazanmagy başardy, bu topar bassyr ikinji ýyl çempionatyň ýeňijisi boldy.