Türkmenistanyň woleýbol boýunça milli ýygyndysynyň Merkezi Aziýanyň Woleýbol assosiasiýasynyň çempionatyna gatnaşmagyna garaşylýar.

Çempionat 18-24-nji oktýabr aralygynda Özbegistanyň Daşkent şäherinde geçiriler.

Sebitiň çempionlygy ugrunda Özbegistanyň, Täjigistanyň, Gyrgyzystanyň, Türkmenistanyň, Owganystanyň we myhman hökmünde Maldiw adalarynyň ýygyndylary ýaryşar.

Ýakynda ýurduň 20 ýaşa çenli woleýbol ýygyndysynyň Aziýanyň kubogynyň sebitleýin bölegine gatnaşyp, bürünç medala mynasyp bolandygyny ýatladýarys.