Girmek
Türkmenistanyň belli logistika operatory «Dünýä Ulag Hyzmatlary» hojalyk jemgyýeti Mary şäherinde syýahatçylyk menejeri üçin boş iş ornuny açdy. Howa gatnawlary we gümrük taýdan resmileşdirmek ýaly toplumlaýyn ulag hyzmatlaryna ýöriteleşen bu gurama syýahatçylyk pudagynda alyp barýan işiniň gerimini giňeldýär.
Bildirişe laýyklykda, boş iş ornuna isleg bildirýän laýyk geljek dalaşgär 35 ýaşdan uly bolmaly däldir we syýahatçylyk pudagynda azyndan 2 ýyl iş tejribesi bolmalydyr. Iş gözleýjiden türkmen, rus we iňlis dillerinde erkin gepläp bilmegi, şeýle hem iş maksatly hat alyşmalar we «MS Office» programmalar toplumynda işlemek ýaly kompýuter başarnyklarynyň bolmagy talap edilýär.
Geljekki hünärmeniň wezipe borçlaryna şular girýär:
- müşderilere maslahat bermek;
- gezelençleri saýlap almak;
- zerur bolan resminamalary resmileşdirmek;
- maglumat gorlary bilen işlemek;
- müşderileriň ýüze çykan meselelerini çözmek;
- marketing çärelerine gatnaşmak
Işlemäge gyzyklanma bildirýän dalaşgärler kompaniýanyň Mary şäheriniň Atabaýew köçesiniň ugrundaky «Ojar Aziýa» binasynyň birinji gatynda ýerleşýän ofisine baryp ýa-da (+993 71) 44 56 63 telefon belgisi arkaly habarlaşyp ýüz tutup bilerler.