Girmek
1-nji sentýabrda, Bilimler we talyp ýaşlar gününde Türkmenistanyň ähli bilim edaralarynda 2024-2025-nji täze okuw ýylynyň başlanýandygyny alamatlandyrýan ilkinji jaň kakyldy. Bu barada TDH habar berýär.
Täze okuw ýylynyň ilkinji güni Garaşsyzlyk binasyna we Berdimuhamet Annaýew adyndaky Arkadag şäher mugallymçylyk orta hünär okuw mekdebindäki hem-de Ahal welaýatynyň Gökdepe etrabynyň Yzgant şäherçesindäki 27-nji orta mekdepde ýerleşýän Berdimuhamet Annaýewiň ýadygärliklerine gül goýmak bilen başlandy.
Bilimler we talyp ýaşlar gününde ähli orta hem ýokary okuw mekdeplerinde dabaraly nyzamlar geçirilip, olarda Prezident Serdar Berdimuhamedowyň Gutlagy okaldy. Döwlet Baştutany ýaş nesillere bilimleriň, uly açyşlaryň ýoluna ak pata berdi.
Täze okuw ýylynyň ilkinji sapagy “Pähim-paýhas ummany Magtymguly Pyragy” ýylyna hem-de Türkmenistanyň Garaşsyzlygynyň 33 ýyllygyna bagyşlandy.