Aşgabatdaky «Ecodrink» kofehanasy kofe söýerleriň ählisini gök öwüsýän ýakymly atmosferada agşamlary rahatlykda geçirmäge çagyrýar.

«Ecodrink» şäheriň beýleki kofehanalaryndan özüniň gurşawy guramaga özboluşly çemeleşýändigi bilen tapawutlanýar. Agaçlaryň astynda gurnalan stollar şäherden çykmazdan tebigata giden ýaly rahat duýgyny döredýär. Bu şäheriň başagaýlygyndan, her gün hyň berip duran hereketli gurşawyndan çetde asudalygy gözleýän we ümsüm ýerde wagt geçirmek isleýänler üçin örän oňaýly ýerdir.

Kofehananyň menýusy köpdürlüligi bilen haýrana goýýar. Bu ýerde her kim öz islegine görä halaýan içgisini tapyp biler:

- adaty reseptlere laýyklykda taýýarlanylan klassiki kofe içgileri;

- «Ecodrink» baristasy tarapyndan döredilen özboluşly kofe kompozisiýalary;

- alkogolsyz içgileri halaýanlar üçin serginlediji koktelleriň giň görnüşi.

Bu ýeriň tejribeli baristalary hatda iň talapkär, kofeden örän başy çykýan myhmanlary hem geň galdyryp bilýärler.

Kofehana her gün işlemek bilen, islän wagtyňyzda halaýan içgileriňizden lezzet almaga mümkinçilik berýär. «Ecodrink» işe başlamazdan öň irdenki kofe içmek, gündizine işewürlik ýygnagy ýa-da agşamyna romantik duşuşyk bolsun, islendik ýagdaý üçin ajaýyp atmosferany döredýär.

Habarlaşmak üçin:

• ýerleşýän salgysy: 10-njy kiçi etrapça, «Dagbaşy» binasy;
• telefon belgisi: (+993 65) 62 67 67;
• sosial media ulgamyndaky sahypasy.