Girmek
23 ― 25-nji awgust günleri aralygynda Balkan welaýatynyň Hazar şäherinde welaýatyň taryhyndaky iň uly küşt ýaryşy geçirildi. Ýaryş Türkmenistanyň Küşt federasiýassynyň goldawy bilen «Dragon Oil» kompaniýasynyň ýardam bermeginde geçirildi. Oňa çagalardan, zenanlardan we küştüň höweseklerinden ybarat 32 oýunçy gatnaşdy.
Federasiýanyň metbugat gullugynyň habar bermegine görä, onda Daşoguz welaýatyndan Şahruh Töräýew ýeňiji boldy. Ol 7 utuk toplady. Her haýsy 5,5 utuk gazanan aşgabatly küştçi Dawut Meredow bilen maryly Serdar Käbehanow ikinji we üçünji orunlary paýlaşdy.
Ýaryşda ýurduň zenanlar milli ýygyndysynyň baş tälimçisi Şahruh Töräýewiň bäş küştçi bilen bir wagtyň özünde oýun oýnap, 4:5:0,5 hasabynda uly artykmaçlyk bilen ýeňiş gazanandygyny hem aýtmak gerek.
Ýaryşyň baş emini Türkmenistandaky «Küşt älemi» atly ilkinji professional küşt akademiýasynyň dolandyryjy Gurbangeldi Amangeldiýew boldy.