Girmek
Türkmenistanly suwda ýüzüji Musa Žalaýew Pariž Olimpiadasynda 100 metr aralyga erkin usulda ýüzmekde ilkinji gezek Olimpiýa sahnasyna çykdy. 21 ýaşly türgen saýlama tapgyrda 52,29 sekuntlyk dereje görkezip, ýaryşa ähli gatnaşjylaryň 18-sinden öňe saýlandy we umumy netijede 61-nji orny eýeledi.
Žalaýew saýlama tapgyrlarynyň üçünjisinde ýaryşdy we bu tapgyrda ol dördünji orny eýeledi. Ýöne bu netije türkmenistanly suwda ýüzüjä ýarymfinala çykan 16 türgeniň arasyna girmek üçin ýeterlik bolmady. Saýlama tapgyryň ýeňijisi bellenen aralygy 47,57 sekuntda geçen amerikaly türgen Aleksi Jek boldy.
Musa Žalaýewiň Ýagşygeldi Kakaýew adyndaky Halkara nebit we gaz uniwersitetiniň talybydygyny ýatladýarys. Ol Türkmenistanyň rekordlarynyň birnäçesiniň eýesidir. Türgeniň 100 metr aralygy erkin usulda ýüzmekdäki şahsy rekordy bolsa 51,63 sekunda deň.
Georgiý ASLANÝAN.
Rus dilinden terjime eden
Agageldi ITALMAZOW.