Gyrgyzystanyň «Abdyş-Ata» futbol kluby bilen türkmenistanly hüjümçi Süleýman Muhadowyň arasyndaky şertnama ikitaraplaýyn ylalaşyk esasyna ýatyryldy.

«Abdyş-Ata» FK bilen Süleýman Muhadowyň arasyndaky şertnama taraplaryň özara razylygy bilen ýatyryldy. Toparyň üstünliklerine goşan goşandy hem-de klubumyza wepalylygy üçin Süleýmana tüýs ýürekden minnetdarlyk bildirýäris» diýlip, toparyň metbugat gullugy tarapyndan berlen beýanatda bellenilýär.

Maglumat üçin, S.Muhadow «Abdyş-Atanyň» düzümine 2024-nji ýylyň fewral aýynda goşulypdy. Süleýman gyrgyz toparynyň düzüminde AFK Kubogynyň 2023/24-nji ýylky möwsüminde bürünç medala mynasyp boldy.

Häzirki wagtda 30 ýaşly hüjümçiniň transfer bahasy 75 müň ýewro möçberinde bahalanýar.