Girmek
«Awazada» ýerleşýän «Soltan» restorany myhmanlara nahar wagtynda deňziň ajaýyp görnüşlerinden lezzet almaga mümkinçilik berýär. Bu restoran adaty türk tagamlaryny we halkara aşhanasyny öz içine alýan dürli menýulary hödürleýär.
Restoranyň interýeri ajaýyp dizaýny we owadan bezegleri bilen tapawutlanýar, bu bolsa myhmanlar üçin ýakymly we rahat gurşaw döredýär. «Soltany» diňe bir tagamly naharlanmak üçin däl-de, eýsem, surata düşürmek we romantik agşamlar üçin ajaýyp ýere öwürýän yşyklandyryşa we bezeglere hem aýratyn üns berilýär.
Restoranyň aýratynlyklarynyň biri hem oturmak üçin ýerleriň köpdürli bolmagydyr. Myhmanlar esasy zaldaky, deňze çykýan açyk eýwandaky ýa-da ikiçäk duşuşyklar üçin has çola zolaklardaky stollary saýlap bilerler.
Restoranda aýratyn gurşaw döretmek üçin her gün DJ çykyş edýär we giňişligi ýakymly saz ritmleri bilen doldurýar.
Restoranyň eýeleri maksatlarynyň diňe bir naharlanmak üçin ýer däl, eýsem, her bir myhmanyň lezzetli tagamlardan we deňiz kenaryndaky dynç alyşyň täsin gurşawyndan lezzet alyp bilmegi üçin hakyky gastronomiki oazis döretmekdigini bellediler.
Restoran her gün 8:00-dan 23:00-a çenli açykdyr. Sosial ulgamdaky sahypasy.
Telefonlar: +993 (64) 69 44 44, +993 (243) 5 90 99, +993 (243) 5 90 80, +993 (243) 5 90 70, +993 (243) 5 90 60, +993 ( 243) 5 90 50.
Fotoreportaž: Awazadaky täze "Soltan" restorany