Girmek
24-nji aprelde Bangkok şäherinde BMG-niň Aziýa we Ýuwaş ummany sebitleri boýunça Ykdysady we Durmuş Geňeşiniň 80-nji mejlisiniň çäklerinde maliýe we ykdysadyýet ministriniň orunbasary B.Ýalakowyň ýolbaçylygyndaky Türkmenistanyň wekiliýeti BMG-niň Baş sekretarynyň orunbasary, ESCAP-yň Ýerine ýetiriji sekretary Armida Salsiah Alisjahbana bilen duşuşdy. Bu barada Türkmenistanyň DIM-niň resmi saýtynda habar berilýär.
Habarda bellenilişi ýaly, türkmen tarapy ESCAP bilen netijeli gatnaşyklar barada bellemek bilen, Türkmenistanyň BMG-niň Köptaraplaýyn hyzmatdaşlygyň maksatlaýyn gaznasyny döretmek baradaky başlangyjyny we ESCAP-nyň 79-njy mejlisiniň barşynda Türkmenistanyň Aral deňzi boýunça Kararnamasynyň kabul edilmegini goldandyklary üçin, ýolbaşçylyga we sekretariata minnetdarlygyny bildirdi.
Taraplar ýakyn wagtda ESCAP bilen hyzmatdaşlygy giňeltmegiň mümkinçiliklerine garadylar, hususan-da BMG-niň Merkezi Aziýanyň ykdysadyýetleri üçin ýörite maksatnamasynyň (SPEKA) çäginde BMG-niň Ýewropa ykdysady komissiýasy bilen hyzmatdaşlygy bellediler.
Duşuşygyň ahyrynda Ýerine ýetiriji sekretar A.Alisjahbana Geňeşiň 80-nji mejlisine gatnaşandygy üçin, türkmen wekiliýetine minnetdarlyk bildirdi we ESCAP-yň dürli ugurlar boýunça Türkmenistan bilen işjeň hyzmatdaşlyk etmäge taýýardygyny beýan etdi.