Türkmenistanyň futbol boýunça milli ýygyndysynyň goragçysy Wepa Jumaýew Belarusyň «Witebsk» futbol toparynyň düzüminde ilkinji resmi duşuşygyny geçirdi.

Belarusyň çempionatynyň 2-nji tapgyrynyň çäginde «Witebsk» «Slawiýa Mozyry» kabul etdi. Esasy düzümde oýna giren Wepa Jumaýew tä duşuşyk tamamlanýança, başga futbolçy bilen çalşyrylmady. Duşuşykda ýer eýeleri myhmanlardan 2:3 hasabynda asgyn geldiler.

Jumaýewiň «Witebsk» toparyna «Energetik-BGU»-dan gyşky transfer penjiresinde geçendigini ýatladýarys. «Transfermarkt» oňa 175 müň ýewro baha kesýär.