Katarda geçirilýän futbol boýunça Aziýa Kubogynyň çärýek final tapgyrynyň ähli gatnaşyjylary belli boldy.

Çarşenbe güni garşydaşlaryndan üstün çykan Ýaponiýanyň we Eýranyň milli ýygyndylary turniriň 1/4 final tapgyrynyň soňky jübütini emele getirdiler. Ýaponiýa 1/8 finalda Bahreýni 3:1 hasabynda ýeňen bolsa, Eýran Syriýany oýundan soňky 11 metrlik urgularda (esasy wagt 1:1, penaltiler seriýasy 4:2) ýaryşdan çykardy.

Şeýlelikde, Aziýa Kubogynyň çärýek finalynda aşakdaky jübütler ýarym finalyň ýollanmasy üçin özara güýç synanyşarlar:

2-nji fewral:

Täjigistan — Iordaniýa
Awstraliýa — Koreÿa Respublikasy

3-nji fewral:

Eýran — Ýaponiýa
Katar — Özbegistan