Girmek
Türkmenistanyň Ermenistan Respublikasyndaky Adatdan daşary we Doly ygtyýarly ilçisi M.Aýazow Ermenistanyň Söwda-senagat edarasynyň Wise-prezidenti Karen Iwanow bilen duşuşdy. Duşuşygyň dowamynda iki döwletiň arasyndakly söwda-ykdysady hyzmatdaşlygyň mümkinçiliklerini hem-de haryt dolanyşygyny ösdürmek meseleleri ara alnyp maslahatlaşyldy.
Türkmenistanyň Ermenistandaky diplomatik wekilhanasynyň habar bermegine görä, Karen Iwanow Türkmenistanyň Ermenistanda söwda öýüniň açylmagyna ermeni tarapynyň isleginiň bardygyny belledi. Şeýle hem, ol Ermenistanyň Söwda-senagat edarasynyň wekiliýetiniň 2024-nji ýylyň maýynda Aşgabat şäherinde geçiriljek Azyk önümleriniň döwrebap tehnologiýalarynyň «Agro-Pak Turkmenistan and Turkmen Food» atly halkara sergisine gatnaşmagy meýilleşdirýändigi barada habar berdi.
K.Iwanowyň aýtmagyna görä, ermeni bazarynda Türkmenistanda öndüilren senagat önümlerine gyzyklanmanyň ýokarlanýandygy bellenildi. Şuuň bilen baglylykda, iki döwletiň arasyndaky haryt dolanyşygynyň sanawyny baýlaşdyrmaga taraplaryň taýýardygy beýan edildi.
Mundan başga-da, duşuşygyň dowamynda taraplar ulag-logistika infrastrukturasynyň meselelerini we täze logistika ugurlaryny ýola goýmak meselelelerini ara alyp maslahatlaşdylar.