Girmek
Taryhynda ilkinji gezek Aziýanyň kubogyna gatnaşýan Täjigistanyň futbol boýunça milli ýygyndysy gazanýan netijeleri bilen, bütin dünýäniň futbol jemgyýetçiliginiň ünsüni özüne çekýär.
Milli ýygyndy 1/8 finalda Birleşen Arap Emirlikleriniň ýygyndysyndan üstün çykyp, çärýek finala adyny ýazdyrmagy başardy. Esasy wagty 1:1 hasabyndaky deňlik bilen tamamlanyp, ykbaly 11 metrlik jerime urgulary bilen çözülen duşuşykda ilkinji bolup täjik ýygyndysy tapawutlandy. 30-njy minutda Wahdat Hanonow milli ýygyndyny hasapda öňe çykardy. 90+5-nji minutda BAE-niň ýygyndysy Halifa al-Hammadiniň geçiren goly bilen hasaby deňledi. 11 metrlik jerime urgularynda täjik ýygyndysy 5:3 hasabynda ýeňiş gazandy. Milli ýygyndy çärýek finalda Yrak ― Iordaniýa jübütiniň ýeňijisi bilen duşuşar.