Girmek
Özbegistanyň futbol boýunça milli ýygyndysy Aziýanyň kubogynyň üçünji tapgyrynda Awstraliýa bilen 1:1 hasabynda deňme-deň oýnap, adyny pleý-off tapgyryna ýazdyrmagy başardy.
Duşuşykda özbek ýygyndysynyň ýeke-täk goluny 79-njy minutda Azizbek Turgunbaýew geçirdi. Astraliýada bolsa birinji ýarymyň goşmaça minutlarynda Martin Boýl 11 metrlik jerime urgusyndan tapawutlandy.
«B» toparçadaky ugurdaş duşuşykda Siriýa Hindistany 1:0 hasabynda ýeňdi.
Toparçalaýyn tapgyryň ahyrky duşuşygynda utuk ýitirendigine garamazda, Awstraliýa 7 utuk bilen toparçada birinji orny eýeledi. 5 utukly Özbegistan bolsa pleý-offa ikinji orundan çykdy.
Aziýanyň kubogyna 24 ýygyndynyň gatnaşýandygyny we olaryň alty toparça bölünendigini ýatladýarys. Ýaryşyň 1/8 finalyna ähli toparçalaryň birinji we ikinji orunlarynyň eýeleri we üçünji orny eýelänleriň iň gowy dördüsi gatnaşar.
Biz ozal Täjigistanyň ýygyndysynyň taryhynda ilkinji gezek Aziýanyň kubogynda pleý-off tapgyryna çykandygyny habar beripdik.