Girmek
Braziliýanyň Futbol konfederasiýasy 61 ýaşly hünärmen Doriwal Žunioryň ýurduň milli ýygyndysynyň baş tälimçisi wezipesine getirilendigini habar berdi.
Doriwal mundan öň «San-Paulunyň» baş tälimçisi bolup işleýärdi, ol milli ýygyndyda Fernando Dinizdne boşan wezipä geldi. Ozalky tälimçi 5-nji ýanwarda işden boşadylypdy. Braziliýalylar Diniziň ýolbaşçylygynda geçiren 6 duşuşygynda diňe 2 gezek ýeňiş gazanyp bildiler.
Doriwal 2022-nji ýylda «Flamengo» bilen Libertadores kubogyny we Braziliýanyň kubogyny eýelänsoň, «San-Paulu» toparyna getirildi. Bu iki topardan ozal ol «Atletiko Mineýro», «Internasional» we «Palmeýras» toparlaryna hem tälim beripdi.
Ýeri gelende aýtsak, Braziliýanyň milli ýygyndysy bassyr dört duşuşykdan bäri ýeňiş gazanyp bilenok. Milli ýygyndy Dünýä çempionaty ― 2026-nyň saýlama tapgyrynda hem 6 tapgyrda 7 utuk toplap, altynjy orny eýeleýär.