Girmek
2024-nji ýylda ministrler derejesindäki 20-nji «Merkezi Aziýa — ÝB» duşuşygy Türkmenistanda geçiriler. Lýuksemburgda geçirilen gepleşiklerde bu başlangyç formata gatnaşyjy ýurtlar tarapyndan goldanyldy diýip, Türkmenistanyň Daşary işler ministrliginiň metbugat gullugy habar berdi.
Ministrler derejesindäki 19-njy «Merkezi Aziýa — ÝB» duşuşygynyň ahyrynda Ýewropa Bileleşigi bilen Merkezi Aziýanyň arasyndaky gatnaşyklary çuňlaşdyrmak boýunça Bilelikdäki Ýol kartasy we Bilelikdäki Beýannama kabul edildi.
Duşuşykda Türkmenistanyň Daşary işler ministri Raşid Meredow ÝB bilen hyzmatdaşlygyň esasy ugurlaryna ünsi çekdi:
- Halkara parahatçylygy we howpsuzlygy üpjün etmek;
- ÝB bilen ykdysady hyzmatdaşlygy ösdürmek;
- Hazar deňzi — Gara deňiz geçelgesini hem hasaba almak bilen, Merkezi Aziýa bilen Ýewropanyň arasynda täze ulag ýollaryny döretmek;
- Energetika hyzmatdaşlygy, şol sanda Ýewropa gaz eksportynyň giňeldilmegi.