Girmek
Russiýa Federasiýasynyň Astrahan sebitinde «Hazar möwsümleri—2023» nusgawy sungat festiwalynyň çäklerinde Türkmenistanyň güni bellenildi.
Türkmenistanyň gününde tanymal türkmen sungat ussatlary «Astrahan» filarmoniýasynyň sahnasynda çykyş etdiler. Olaryň hatarynda Türkmenistanyň halk artisti Atageldi Garýagdyýew, Türkmenistanyň at gazanan artisti Wladimir Mkrtumow, Aýna Seýitgulyýewa, Bahram Dolyýewiň ýolbaşçylygyndaky «Aşgabat Kameratasy» ansambly we beýleki sungat ussatlary bar.
Konsertiň aýdym-saz maksatnamasyny türkmen kompozitorlarynyň döreden saz eserleri düzdi diýip, «Türkmenistan: Altyn asyr» elektron neşirinde habar berildi.
Mundan ozal 28-nji awgustda «Hazar möwsümleri «festiwalynyň çäginde Türkmenistanyň gününiň belleniljekdigini habar beripdik.