Girmek
Türkmenistanyň wekilleri Daşkentde «Ýaşlar. Deňlik. Gender» (Youth. Equality. Gender) ady bilen geçirilen Merkezi Aziýanyň ýaşlar lagerine gatnaşdylar.
Ýaşlar forumynyň guramaçysy UNFPA-nyň öz sosial ulgamyndaky sahypalarynda paýlaşan maglumatlaryna görä, bu çärä Gazagystanyň, Gyrgyzystanyň, Täjigistanyň, Özbegistanyň hem-de Türkmenistanyň ýaşlary gatnaşyp, olar forumyň dowamynda reproduktiw saglyk, gender deňligi we jynslaryň arasyndaky deňsizligiň öňüni almak meselelerini ara alyp maslahatlaşdylar. Şeýle-de bu ugurda tälimçileri taýýarlamak üçin programmalary döretmegi öwrendiler we degişli ugurda metbugatda çykyş etmek boýunça öz sowatlylyklaryny ýokarlandyrdylar.
Mundan başga-da, bilelikdäki duşuşyklarda geljek üçin hyzmatdaşlygyň meýilnamalary hem ara alnyp maslahatlaşyldy.