Girmek
Türkmenistanyň «Deňiz söwda floty» 1-nji sentýabrdan Türkmenbaşy — Gyzylsuw ugrunda gämi gatnawlary boýunça petekleriň arzanladylandygyny habar berdi.
«Türkmendeňizderýaýollary» agentliginiň resmi saýtynda berilýän habara görä, «Çarlak» gämisi üçin bir tarapa petegiň bahasy 20 manatdan 15 manada çenli arzanlar. «Çarlak» gämisinde ýolagçylara syýahaty geçirmek üçin açyk we ýapyk bölümiň arasynda saýlamak mümkinçiligi berilýär.
«Rowaç» gämisi üçin bir tarapa petegiň bahasy 25 manatdan 20 manada, ýokary hilli ýer (VIP) üçin bir tarapa 38 manatdan 30 manada çenli arzanlar.
Gämiler Türkmenbaşydan 11:00-da we 12:00-da ugraýar, 13:30-da we 14:30-da bolsa yzyna gelýär.
Petekleri Türkmenbaşy şäheriniň Deňiz menzilinden, şeýle hem «Deňiz söwda floty» paýdarlar jemgyýetiniň www.mmf.com.tm resmi internet sahypasyndan onlaýn görnüşinde satyn alyp bilersiňiz.