20-nji awgustda Budapeştde geçirilen ýokary derejedäki ikitaraplaýyn türkmen-wenger gepleşikleriniň dowamynda Wengriýa bilen Türkmenistanyň arasynda eneregetika syýasaty, hususan-da, gaz üpjünçiligi meselesi boýunça pikir alşyldy. Nobatdaky ädim täjirçilik gepleşiklerini geçirmekden ybarat bolup durýar diýip, «Trend.az» habar berýär.

Habarda bellenilişi ýaly, Wengriýanyň daşary işler ministri Peter Siýýarto:

— Geçirijilik kuwwaty ýylda 30 milliard kub metr bolan 300 kilometrlik turbageçirijini gurmak, şeýle hem Günorta-Gündogar Ýewropadaky turbageçirijileriň kuwwatyny ýokarlandyrmak zerur – diýip, Türkmenistanyň gaz üpjünçiligi babatdaky mümkinçilikleri barada žurnalistleriň sowallaryna jogap berdi.

Bu ýerde gaz üpjünçiligini Hazarüsti gaz geçiriji taslamasynyň üsti bilen guramak göz öňünde tutulýar.

Ozal Wengriýanyň Premýer-ministri Wiktor Orban bilen Türkmenistanyň Prezidenti Serdar Berdimuhamedowyň Budapeştdäki duşuşygynyň Wengriýanyň energetika syýasatynda möhüm ähmiýete eýe bolandygyny habar beripdik.