Özbegistan Respublikasynyň Syýahatçylyk ulaglary assosiasiýasynyň metbugat gullugy «Şawat—Daşoguz» barlag-goýberiş nokadynyň (BGN) çäginde syýahatçylyk-maglumat merkeziniň açylandygyny habar berdi.

Merkez syýahatçylara medeni ýadygärlikler, daşary ýurtlularyň we raýatlygy bolmadyk adamlaryň galmagynyň tertibi ýaly hyzmatlary hödürleýär, şeýle hem «E-Mehmon» ulgamynda hasaba almagy amala aşyrýar.

Şeýle hem merkez howa we demir ýol peteklerini, myhmanhana otaglaryny bronlamak, sim-kartlary satmak ýaly hyzmatlary hem özünde jemlär.

Ýatlap geçsek, ozal Türkmenistanyň Prezidenti Serdar Berdimuhamedow bilen Özbegistanyň Prezidenti Şawkat Mirziýoýew «Şawat—Daşoguz» bilelikdäki söwda zolagynyň açylmagyny çaltlaşdyrmak hakynda ylalaşdylar.