Türkmenistanyň futzal boýunça milli ýygyndysy CAFA Futsal Cup-2023-iň dördünji tapgyrynda Gyrgyzystanyň ýygyndysyndan 2:0 hasabynda üstün çykdy.

Duşuşykda türkmen ýygyndysynyň gollaryny Mülkaman Annagulyýew bilen Maksat Soltanow geçirdi. Derwezeçi Meretgeldi Gurbanow bolsa duşuşygyň iň gowy oýunçysy saýlanyldy.

Günüň beýleki duşuşyklarynda Eýran Özbegistany 5:0 hasabynda ýeňdi. Owganystan bilen Täjigistan bolsa 2:2 hasabynda deňme-deň oýnady.

Türkmen ýygyndysynyň dört duşuşygyň ikisinde ýeňiş gazanyp, ikisinde ýeňlendigini ýatladýarys.

Ýaryşyň jemleýji tapgyry 30-njy iýulda geçiriler. Şol gün Türkmenistan Owganystan bilen, Özbegistan Gyrgyzystan bilen, Täjigistan bolsa Eýran bilen duşuşar.