Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Özbegistan Respublikasynyň Prezidenti Şawkat Mirziýoýewe doglan güni mynasybetli tüýs ýürekden gutlaglaryny iberdi.

«Siziň baştutanlygyňyzda Özbegistan Respublikasynyň durmuş-ykdysady ösüşinde we halkyň hal-ýagdaýyny yzygiderli gowulandyrmakda uly üstünlikleri gazanandygyny bellemek guwandyryjydyr. Häzirki wagtda döwletlerimiziň arasyndaky ikitaraplaýyn gatnaşyklaryň ýokary derejesini bellemek bilen, soňky ýyllarda netijeli özara bähbitli hyzmatdaşlygyň hil taýdan täze derejä ýetendigini aýratyn nygtamak isleýärin» diýlip, gutlag hatynda bellenilýär. Bu barada «Türkmenistan» gazetinde habar berildi.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistan bilen Özbegistan Respublikasynyň arasyndaky ikitaraplaýyn gatnaşyklary pugtalandyrmakdaky we ösdürmekdäki uly şahsy goşandy, aýratyn ünsi üçin goňşy ýurduň döwlet Baştutanyna minnetdarlyk bildirdi.

Şu ýakymly mümkinçilikden peýdalanyp, Gurbanguly Berdimuhamedow Prezident Şawkat Mirziýoýewe berk jan saglyk, bagtyýarlyk we jogapkärli wezipesinde üstünlikleri, Özbegistanyň doganlyk halkyna bolsa parahatçylyk, öňegidişlik, mundan beýläk-de gülläp ösüş arzuw etdi.

Ozal Türkmenistanyň Prezidenti Serdar Berdimuhamedowyň Özbegistan Respublikasynyň Prezidenti Şawkat Mirziýoýewe doglan güni mynasybetli tüýs ýürekden gutlaglaryny, arzuwlaryny iberendigi barada habar beripdik.