13 ― 21-nji iýul aralygynda Özbegistanyň paýtagty Daşkent şäherinde mekdep okuwçylarynyň arasynda küşt boýunça Aziýanyň çempionaty geçirildi. Oňa yklymyň küşt sportunda has öňe ilerlän Hindistan, Hytaý, Mongoliýa, Gazagystan, Özbegistan, Russiýa ýaly döwletleri bilen bilelikde jemi 17 döwletden 330 küştçi gatnaşdy.

Rapid, nusgawy we blis görnüşleri boýunça geçirilen yklym çempionatynda türkmenistanly türgenler medallaryň jemi ýedisine mynasyp boldular.

Esasy bellenilmeli ýagdaý bolsa ýaryşyň ahyrky gününde türkmen türgenleriniň üçüsiniň medallara mynasyp bolanlygydyr. Blis ― küştüň has çalt oýnalýan görnüşi boýunça geçirilen ýaryşlaryň çäklerinde 17 aýaş çenli derejede aşgabatly Amanmuhammet Hommadow mümkin bolan 7 utukdan 6,5 utuk toplap, türkmen ýygyndysynyň ýeke-täk altyn medalyny gazandy. Şeýle hem bu görnüşde türkmenabatly mekdep okuwçylary Gülmira Seýilhanowa bilen Mähri Agamyradowa degişlilikde 15 we 13 ýaş derejesinde kümüş medallara mynasyp boldular.