Girmek
«Napoliniň» goragçysy Kim Min Çže «Bawariýanyň» düzümine goşuldy. Mýunhenlileriň resmi saýtynda habar berlişi ýaly, 26 ýaşly futbolçy «3»-lik belgili köýnekçäni geýer.
Köpçülikleýin habar beriş serişdelerinde ýazylyşy ýaly, «Napoli» bu transferden 50 million dollar girdeji alar. «Bawariýa» goragçy bilen 2028-nji ýyla çenli şertnama baglaşdy.
Kim Min Çže geçen möwsümde neapollylaryň hatarynda 45 duşuşyk geçirdi. Ol bu duşuşyklarda iki gezek tapawutlanyp, iki goluň assistini berdi.
Ýakynda «Transfermarkt» iň gymmat aziýaly futbolçylaryň sanawyny düzdi. Bu sanawda 60 million ýewrolyk transfer bahasy bilen Kim Min Çže birinji orny eýeledi.