Türkmenistanyň futzal boýunça milli ýygyndysynyň CAFA Futsal Cup-2023-däki garşydaşy ― Gyrgyzystanyň ýygyndysy Bişkek şäherinde ýaryşa taýýarlanyp başlady.

«Sport.kg» saýtynyň habar bermegine görä, baş tälimçi Marat Duwanaýew meýdançanyň dürli ýerlerinde oýnaýan oýunçylaryň 16-syny we 4 derwezeçini düzüme çagyrdy.

Gyrgyz ýygyndysynyň Bişkekdäki türgenleşikleri 9-njy iýulda başlady, olar 21-nji iýula çenli dowam eder.

Futzal boýunça Merkezi Aziýanyň ilkinji çempionatynyň 23 ― 30-njy iýul aralygynda Täjigistanyň Duşenbe şäherinde geçiriljekdigini ýatladýarys. Oňa türkmen we gyrgyz ýygyndylaryndan başga-da, Owganystanyň, Eýranyň, Täjigistanyň we Özbegistanyň ýygyndylary gatnaşar.

Gyrgyzystanyň futzal boýunça milli ýygyndysynyň okuw-türgenleşik ýygnanyşygyna çagyrylan düzümi:

Derwezeçiler: Çorobek uulu Ulanbek, Akmataliýew Bekbolot, Penzaýew Çyngyz, Azat uulu Amir.

Meýdandaky oýunçylar: Alimow Maksat, Kubanyçow Kaýrat, Janat uulu Samat, Amandyk uulu Denisbek, Mahmadiminow Şohruh, Askarbekow Muhammad, Taalaýbekow Daniýar, Andabekow Aman, Ilýasow Bektur, Sulaýmanbekow Aýdar, Samat uulu Almazbek, Turatbekow Islam, Tursunow Arstanbek, Aýanbaýew Adil, Daniýar uulu Abdurahim, Eraliýew Muhammedisa.

Tälimçiler düzümi:

Baş tälimçi ― Duwanaýew Marat

Tälimçi ― Kondratkow Wadim

Derwezeçileriň tälimçisi ― Şamonin Nikolaý.