Türkmenistanyň woleýbol boýunça milli ýygyndysy CAVA-2023 Milletler ligasyndaky ahyrky duşuşygynda Eýranyň ýygyndysyny 3:2 hasabynda ýeňdi.

Çolpon Ata şäherinde geçirilen halkara ýaryşa 7 ýygyndy ― Gyrgyzystanyň, Nepalyň, Mongoliýanyň, Türkmenistanyň, Özbegistanyň, Eýranyň we Gyrgyzystanyň ikinji ýygyndylary gatnaşdy.

Eýranyň ýygyndysy 16 utuk toplap, ýaryşyň çempiony boldy. Ikinji orny eýelän gyrgyz ýygyndysy çempiondan bir utugy az toplady. Ilkinji üçlügi 11 utukly Mongoliýanyň ýygyndysy jemledi.

Ýaryşda Özbegistanyň ýygyndysy 9, Türkmenistanyň we Gyrgyzystanyň ikinji ýygyndysy 5, Nepal bolsa 1 utuk toplap bildi.