Düzüminde Türkmenistanyň futbol boýunça milli ýygyndysynyň ýarym goragçysy Mirza Beknazarow hem bolan «Narwa Trans» futbol toparynyň Ýewropanyň Konfederensiýalar ligasynyň saýlama tapgyryndaky garşydaşy belli boldy.

UEFA-nyň Nýon şäherinde geçiren bije çekişliginden soň «Narwa Trans» Ermenistanyň «Pýunik» topary bilen garşydaş boldy.

Jübütleriň arasyndaky ilkinji duşuşyk 13-nji iýulda Ýerewan şäherinde, jogap duşuşygy bolsa 20-nji iýun güni Estoniýanyň Rakwere şäherinde geçiriler.

21-nji iýunda geçirilen bije çekişligiň netijesinde «Narwa Trans» saýlama tapgyrdan üstünlikli geçen ýagdaýynda indiki garşydaşlarynyň kim boljakdygyny hem bildi.

Ozal hem habar berşimiz ýaly, türkmenistanly ýarym goragçy topar bilen «1+1» ýyllyk şertnama baglaşdy. 22 ýaşly futbolçy Ýewropada futbol oýnamaga rugsat berýän ygtyýarnamany iýun aýynyň başynda aldy.