Girmek
Şu gün Türkmenistanyň daşary işler ministri Raşid Meredow bilen Ysraýyl Döwletiniň daşary işler ministri Eli Koeniň arasynda telefon arkaly söhbetdeşlik geçirildi. Onuň dowamynda ikitaraplaýyn hyzmatdaşlygyň birnäçe meselelerine seredildi diýlip, ministrligiň resmi saýtynda habar berildi.
Hususan-da, taraplar iki ýurduň işewürler birleşikleriniň arasynda göni gatnaşyklary ýola goýmak arkaly söwda-ykdysady hyzmatdaşlygy giňeltmek barada pikir alyşdylar.
Türkmen tarapy köptaraplaýyn meýdançalarda, ilkinji nobatda, BMG-niň we beýleki abraýly halkara guramalaryň çäklerinde özara gatnaşyklaryň işjeň ýagdaýda alnyp barylýandygyny belledi.
Telefon söhbetdeşligi Ysraýyl tarapynyň başlangyjy bilen geçirildi.