Girmek
Fransiýaly hünärmen Rudi Garsiýa «Napoli» futbol toparynyň baş tälimçisi boldy. Bu barada italiýan klubynyň metbugat gullugy habar berýär.
Şertnamanyň aýratynlyklary, häzirlikçe, mälim edilmeýär. Garsiýa neapollylaryň ozalky baş tälimçisi Luçano Spallettiniň ornuna geldi. Spalletti topara 33 ýyldan soň çempionlyk gazandyrypdy.
Maý aýynda «Napoliniň» prezidenti Aurelio De Laurebtis Spallettiniň bir ýyl dynç almak isleýändigini habar beripdi.
Garsiýa ozal Fransiýanyň «Sent-Etýen», «Dižon», «Lill», «Marsel» we «Lion» toparlarynda işledi. 2013 ― 2016-njy ýyllar aralygynda bolsa Italiýanyň «Roma» toparyna tälim berdi. 59 ýaşly hünärmeniň soňky iş ýeri düzüminde superstar Kriştianu Ronaldu hem bolan «Al-Nassr» (Saud Arabystany) kluby bolupdy.
Garsiýa karýerasynda «Lill» bilen Fransiýanyň çempiony boldy, «Marsel» bilen bolsa Ýewropa ligasynyň finalyna çykdy.