Girmek
Ýaşlar ýygyndylaryň gatnaşmagynda geçirilýän Aziýa Kubogy 2024-iň saýlama tapgyrynda «K» toparçada bäsleşýän ýygyndy toparlaryň oýunlarynyň geçiriljek wagtlary belli boldy. Bu barada Türkmenistanyň Futbol federasiýasynyň resmi saýty habar berýär.
Bu toparçanyň duşuşyklary şu ýylyň 6-12-nji sentýabry aralygynda merkezleşdirilen görnüşinde Indoneziýada geçiriler.
Türkmenistanyň ýaşlar ýygyndysy (U23) toparçadaky ilkinji duşuşygyny 6-njy sentýabrda Taýwanyň ýygyndy toparynyň garşysyna geçirer, 12-nji sentýabrda Indoneziýanyň ýaşlar ýygyndysy bilen duşuşar.
Ýeri gelende bellesek, 23 ýaşa çenli ýygyndy toparlaryň gatnaşmagynda geçirilýän Aziýa Kubogy – 2024-iň saýlama tapgyrynda ýygyndylaryň 43-si gatnaşar. Toparçalaryň 11-siniň ýeňijileri bilen ikinji orny eýelän ýygyndylaryň iň gowy netije görkezenleriniň dördüsi 2024-nji ýylda Katarda geçiriljek Yklym ýaryşynyň final tapgyryna gatnaşmaga mümkinçilik alarlar. Kataryň ýaşlar ýygyndysy final tapgyryna ýer eýesi hökmünde gönümel gatnaşar.
Aziýa Kubogy 2024-iň saýlama tapgyrynyň senenamasy (U-23)
«K» toparça
1-nji tapgyr
6-njy sentýabr (çarşenbe)
Taýwan – Türkmenistan
2-nji tapgyr
9-njy sentýabr (şenbe)
Indoneziýa – Taýwan
3-nji tapgyr
12-nji sentýabr (sişenbe)
Türkmenistan – Indoneziýa.