Girmek
Futzal boýunça 2024-nji ýylda geçiriljek Aziýanyň kubogynyň saýlama tapgyrynyň bijeleri 22-nji iýun güni AFK-nyň Kuala-Lumpur şäherindäki ştab-kwartirasynda çekiler.
Bije çekişlik şol gün Aşgabat wagty bilen sagat 12-de başlanar. Bu barada Täjigistanyň Futbol federasiýasynyň resmi saýty habar berýär.
Bije çekişlige 31 ýygyndy gatnaşyp, olar 8 toparça bölünerler. Her toparçanyň ýeňijisi we toparçalarda ikinji orny eýelän ýygyndylaryň 7-si ýaryşyň final tapgyryna gatnaşmaga hukuk gazanar.
AFK saýlama duşuşyklary kabul etjekler hökmünde 8 döwleti saýlady. Olar Täjigistan, Özbegistan, Gyrgyzystan, Bahreýn, Taýwan, Indoneziýa, Mongoliýa we Taýlanddyr. Duşuşyklar şu ýylyň 7 ― 11-nji oktýabry aralygynda geçiriler.
Saýlama tapgyra Türkmenistanyň futzal ýygyndysynyň hem gatnaşjakdygyny ýatladýarys.